Emakume porteatzaile moduan ezagutzen dira, 7.000 inguru dira egunero Marokotik Espainiara igarotzen direnak helburu bakar batekin, Ceutan zain duten merkantzia hartu, eta Marokora sartu. Merkantzia hori arropa. teknologia, janaria izan daiteke, eta poltsa handietan eramaten dute 60-90 kilo arteko pisua izan dezakelarik. Zama bizkarrean eramaten dute emakume horiek. Merkantzia modu horretan lurralde batetik bestera igarota zergak ordaintzea ekiditen dute, eta urtero 400.000 euro inguru mugitzen duela uste da. Hori guztia emakume hauek pairatzen duten jazarpen, gehiegikeria eta giza eskubideen etengabeko urraketak kontuan izanik, eta bitartean, Espainiak beste aldera begiratzen du muga horretan egiten dena ederki dakien arren.