Hemeretzi urte behin bakarrik beteko dituztela eta, aurren urteurrenetan bezala, abendua hitzorduz bete du Bonbereneak. Kontzertuak nagusi dira, bai, baina askotariko afizioei lekua eskainiko die etxe koloredunak. Gaur, ordea, festa-giroko larunbatarekin bate eginez, urteurreneko egun handia dute piromanoek: kalejira eta bazkaria izan dituzte.
Txarangako betiko kideekin batera, urteurreneko kalejiran Tolosako beste hainbat musikarik eta sasi-musikarik bat egiten du festarekin, eta ez da harritzekoa: gabonak oraindik iristeko daudela ere, tolosarrei piztu zaie inauterien harra, Bonberenea Txarangari esker.
Alde Zaharrean barrena ibili dira, eta San Estebaneraino igo dira gero, bazkari legea egiteko.