Ertzaintzaren oinezko patruila prebentzio lanetan ari zen, larunbatean, 14:00ak aldera, eta gazte batek ertzainen susmoa piztu zuela azaldu dute, ezkutatzen saiatu zelako. Ertzainek gelditzeko eskatu zioten, eta orduan saiatu zen gizonezkoa ihes egiten.
Gaztea identifikatzeari ekin ziotenean, gizonezkoak berak aitortu zuen droga zeramala, poltsikotik plastikozko poltsa bat ateraz: 20 gramo kokaina inguru zeuden poltsa batean, eta gramo banako beste sei poltsa txiki zeramatzan tabako paketearen barruan. Drogaz gain, gazteak 1.025 euro zeramatzan diru-zorroan.
Horrenbestez, ertzainek 29 urteko gizonezkoa atxilotu zuten, droga trafikoa leporatuta. Atxilotua Ertzain etxera eraman zuten, epaiketaren zain egoteko; atestatua eta atzemandako materiala entregatuko dituzte bertan.