Joan den ikasturtean ekindako parte hartze prozesua elikatzen jarraitzen dute tolosarrek, proposamen zehatzen fasean. Atzo izan zen bigarren faseko lehen bilkura, eta 80 herritarretik gora elkartu ziren kultur etxeko hitzorduan.
Datozen 10 urteetan Tolosak izan beharreko garapena lau esparrutan banatu, eta ideia-zaparradak nagusi izan ziren, 19:00etatik 21:00etara bitarteko lan-saioan. Atzokoa hasiera besterik ez zen izan, ordea, datorren asteartean bigarren hitzordua izango baitute, 19:00etan, kultur etxean; bilera irekia izango da, atzokoaren moduan.