Asteartera arte iraungo du abesbatzen lehiaketak. Guztira 17 taldek parte hartuko dute lehian, izan ere, Filipinetako abesbatza ez da Tolosara etorri.
Lehenengo saioa eta lehiaketaren hasiera gaur arratsaldean izan da. Musika profanoa deiturikoarekin lau ahots talde aritu dira kantuan. Maila oso polita erakutsi omen dute, adituen arabera. Entzuleen txaloak behintzat ez dira falta izan, baita emanaldia amaitu ondoren, Leidor kanpoan. Ingelesak, kubatarrak, alemaniarrak eta Herbehereetatik etorritakoak izan dira oholtzan. Azken hauek ikuskizun alai eta polita eskaini dute. Hain justu, Leidor kanpoan hauek txalotu dituzte.
Bihar lehiaketak 11:00etan jarraituko du, Santa Klara elizan. 19:30etik aurrera, berriz, Leidorren.
