Lara Arruabarrena tolosarrak bere tenis ibilbideko bigarren irekia lortu zuen igandean, Seulen. Arruabarrena munduko 90. postuan dagoen tenislaria da, eta Koreako Irekiaren finalean 55. aurka jokatzen zuen. Monica Niculescu errumaniarra gainetik pasa zuen lehen jokoan tolosarrak: 6-0. Finala berdintzea lortu zuen ondoren Niculescuk, 2-6ko batekin bigarren jokoa irabazita. 24 urteko eskualdeko tenislariak, ordea, ez zuen etsi, eta lehen jokoan egin bezala, hirugarrena ere irabaztea lortu zuen. Set erabakigarri horretan ere 6-0koa izan zen emaitza.
Seulen lortutako saria zirkuitu profesionalean lortzen duen bigarrena da. 2012. urtean Kolonbiako Cali hirian lortu zuen lehena.
Bi orduko iraupena izan du Seulen jokatu den finalak: tenislari tolosarrak hiru setetan gainditu du Monica Niculescu errumaniarra: 6-0; 2-6 eta 6-0.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!