35 pertsona inguru bildu ziren lehen batzarrean. Hemendik aurrera zer egin eztabaidatzen eta erabakitzen aritu ziren. Plaformaren helburua izango da gazteei babesa ematea eta kasua zabaltzea: "Tolosa herriaz gain, Tolosaldean eta Gipuzkoan zabaldu nahi dugu hiru gazte horien kasua".
Plataforma, "jazarpen polizialari" aurre egiteko
Gazteak Kalean plataforma "jazarpen polizialari" erantzuteko sortu dute, asteazkeneko prentsaurrekoan jakinarazi zutenez. 38.000 euroko zigor ekonomikoa eta bost urte erdirainoko espetxe zigorra eskatu diete hiru gazteri, 2015eko inauteriak liskar batzuengatik, plataformako kideen arabera.
Horretaz gain, zigor ekonomikoa jaso dute Ezpala gaztetxearen desalojoan parte hartu zuten hainbat gaztek. Helburu "argia" dute zigor horiek, salatu zutenez: "Sistema kapitalista heteropatriarkalaren aurka borrokatzen duen gazte mugimendua jazartzea".
