Arratsaldean ez zegoen mahai bat ere libre Zerkausian; hirugarren eguna bada da ere, zerbeza dastatzeko gogoz dira oraindik tolosarrak.
20 garagardo dastatzeko aukera dago TAKEk antolatutako garagardo azokan; horietako hiru, gainera, Euskal Herrian ekoitzitako artisau garagardoak dira. Edanari laguntzeko, afaltzeko aukera ere izango da Zerkausian.
Giroa alaitzeko, txaranga doinuak izango dira gauean. Goizaldeko 2:00ak arte egongo da irekita azoka; egarriz dagoenak, beraz, badu asetzeko denbora oraindik.
