Eguzkipean, ederra zegoen Berazubiko zelaia, eta norgehiagokak ere hala moduzkoak izan ziren. Giro sargoriari aurre eginez, hiru norgehiagoka jokatu zituzten, Añorga, Zarautz, eta Tolosako neskek. 18:00etan hasi zen Tolosa eta Añorgaren lehia estua, bi taldeen joko moldea ez zen izan eraginkorra, hutsean amaitu baitzen arratsaldeko lehena.
19:00etan, urdinek erlaxatzeko parada izan zuten, Añorga eta Zarautz jokatzen ari ziren bitartean. Nahiz Zarautzeko aurrelariak lehen gola erdietsi, markagailua parekatzea lortu zuten Añorgako neskek. Zarauzko taldea aurretik zihoala, partida erabaki zezakeen penaltia huts egin zuten.
Azkenengo partidan, Zarauzko neskek tolosarrek baino arnasaldi larriagoa izan arren, kanpokoak izan ziren baloia sareratzeko gauza izan zirenak. Emaitzei bizkar emanda, abagune egokia izan zen denboraldiko aurkariak ezagutzeko; hain justu ere, tolosarrak Añorgarekin ariko dira nor baino nor, lehen jardunaldian.