Ostegunez jokatu zuten urdinek lehen partida, Egiaren aurka. Maila bat beheragoko taldea da Egia, eta hori markagailuan antzeman zen. Partida guztian zehar agintzen joan eta gero, 31-36 irabazi zuten Tolosako mutilek.
Igaro den asteburuan, Torrelavegako torneoa jokatu dute urdinek. Bertan, zilarrezko mailako bi talderen kontra jokatu dute: Gijon eta Torrebalonmano. Lehen partidan Gijon izan zuten aurrean, eta 14-12 galdu zuten, norgehiagoka estu baten ostean. Bigarren partidan, Torrebalonmano taldearekin lehiatu ziren tolosarrak, eta 15-11 galdu zuten. Bi porrot jaso arren, norgehiagoka estuak izan ziren, azken minutuetan erabakitakoak. Ilusioz daude eskubaloi jokalariak, denboraldi berriaren atarian.
Aste honetan, beste bi partida jokatuko dituzte. Asteazkenean, 19:30ean jokatuko dute Zarautzen aurka, kanpoan. Ostiralean, berriz ere Torrenbalonmano izango dute aurkari, Usabalen.