Tolosako Babarrunaren Kofradia, errelebo ekitaldia

Ekitaldi ofiziala antolatu da Maisu Handia eta kide berriak izendatzeko. Bertan izango dira, Olatz Peon Tolosako alkatea; Nerea Letamendia, Merkataritza, Feria eta Turismo zinegotzia; orain arteko Maisu Handia izan den José Miguel Gómez; Maisu Handia izango den Imanol Zubelzu; Juan Manuel Garmendia, FECOGAko presidentea; eta gainerako kideak.

Kofradiak belaunaldi berriaren aldaketaren berri emango du, eta lekukoa Maisu Handi berriari emango dio. Segidan, Imanol Zubelzuk Tolosako Babarrunaren Kofradiako irudi berria azalduko du, urtean zehar egingo diren ekintzen berri eman, eta kofradiaren etorkizuneko helburuak zein diren jakinaraziko du. Ekitaldia ordu erdikoa izatea aurreikusten da.