Udako Euskal Unibertsitateko aurtengo Udako Ikastaroak, 44.ak, “Anitza” lemapean ospatuko dira. Horien artean, Eibarreko Markeskoa Jauregian, Uztailaren 11-12an, “Zientziaren dibulgazioa: aukerak, baliabideak eta erronkak” izenburuarekin egingo den ikastaroa antolatu dugu euskal zientziazaleentzat.
Ikastaroa antolatzerakoan anitza izatea buruan izan dute: anitza irakasle bezala jardungo dutenei begira, 13 pertsona guztira: ikertzaileak, dibulgatzaileak, zientzian formazioa duten kazetariak eta zientziara hurbildu diren kazetariak; anitza jorratuko diren gaiei erreparatuta: baliabideak, esperientziak, gomendioak, dibulgazioaren egoera,…; baina batez ere anitza nori zuzendu nahi izan dioten: ikertzaile, zientzia-kazetari, irakasle, zientzia edo kazetari ikasleak eta zientziazaleak. Anitza nork, anitza nori, anitza zer. Ikastaroari buruzko informazio guztia UEUren webgunean aurki daiteke.
Josu Lopez-Gazpio eta Koldo Garcia dira antolatzaileak.