Iñaki Artola pilotari alegiarra.
Artubi elkartetik beste ekitaldi bat antolatu dute. Oraingoan Ostirala solasean eta bertsotan deitu diote, eta gaur bertan izango da. Izenak dioen moduan, solaserako eta bertsotarako aukera izango da Artubi elkartean bertan.
Hasteko, solasaldia izango da eta bi kirolari gazte izango dira protagonista. Batetik, Iñaki Artola pilotari alegiarra, eta, bestetik, Miren Salbador arraunlari alegiarra. Beraien kirol ibilbideari buruz ariko dira hizketan, 19:00etan hasiko den solasaldian.
Hitzaldi-solasaldiaren ondoren, afaltzeko aukera izango da, eta otordua girotuko dute eskualdeko bi bertsolarik: Unai Mendizabal zizurkildarrak eta Mikel Artola alegiarrak. Afarira joan nahi duenak gaur eguerdirako izena eman behar du.