Karpa batera eta bestera puxika erraldoiak garraiatu dituzte ekimenean parte hartu dutenek, karpa batetik bestera. Puxikak zintzilik zeramatzan hondakin mota bere lekuan zintzilikatu behar zen jomuga zen karpan. Opari moduan berrerabili daitekeen poltsa jaso dute.
Bi ekimen egin dira Tolosaldean kanpainaren barruan. Horietako bat herri handietan egon dena, gaur Tolosan egin dena bezalakoa. Bestea herri txikietan ikastetxeen parte hartzearekin jokoa eginez, eta herrian zehar trizikloekin informazioa zabalduz. Artelatz enpresa Aitziber Sarasolak azaldu duenez, "balantzea oso ona izan da. Denboran zehar kanpaina luzatu egin da, eguraldia medio, eta jendearen parte hartzea oso ona da. Jendeak esaten du birziklatu egin behar dela, eta zenbait zalantza ere azaldu dituzte hondakinak sailkatzerakoan, eta eskertzen du erantzun argiak jasotzen dituenean".