Egun guztiko egitaraua antolatu dute Tolosan, musikaz gozatzeko. Goizean emanaldi ugari izan dira, bai zenbait plazetan eta baita kalejiretan ere.
Besteak beste, Lopez Mendizabal plazan eta Plaza Zaharrean emanaldiak izan dira, Isidro Larrañaga Akordeoi Orkestra, Hodeiertz Abesbatza eta ganbara taldeak kasu. Alde Zaharreko kaleak alaitu dituzte hainbat taldek, Tolosako Musika Eskolako akordeoi taldekoak, adibidez. Etenik gabe izan da musika Tolosan gaur goizean; eguraldiak ere parte hartu nahi izan du festan eta ez du oztoporik jarri.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?