Tolosako kartel lehiaketako epaimahaiak aurkeztutako 19 lanetatik bost aukeratu ditu eta orain, herritarrek bost horien artean aukeratu beharko dute 2016ko Sanjoanak iragarriko dituen kartela
Epaimahaiko kideek maila altua eta ondorioz aukeraketan izan ohi dituzten zailtasunak azpimarratu dituzte. Lanak ikusgai egongo dira astelehenetik aurrera Antonio Maria Labaien kultur etxeko areto nagusian, honako ordutegian: 10:00-13:00 / 17:30-20:00 (asteburuan arratsaldez soilik).
Bost lan hauen artetik aterako da irabazlea, baina horretarako herritarren bozkak ezinbestekoak izango dira. Bozka kultur etxean bertan edo www.tolosa.eus web orrialdean eman daiteke maiatzaren 22a arte.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!