Laskorain Ikastolarentzat denboraldia gaur amaitu da, eta txapeldun gelditu dira Hirugarren Mailan. Azken partida galtzea tokatu zaio ordea tolosarrei. Hala eta guztiz ere, bigarrenari lau puntuko aldea ateratzen ziotenez, hurrengo urtean Bigarren B Mailan jokatzeko aukera eurena izango da. Iaz ere txapeldun gelditu ziren Hirugarren Mailan. Baina igoera fasean ez zuten mailaz igotzeko txartelik lortu. Aurten, ez da igoera faserik jokatzen, baina oraindik ez dago ziur horiek zein mailatan jokatuko duten hurrengo denboraldia. Erabaki hori hartzea ez da erraza, hainbat baldintza tarteko.