Maiatzak 20 elkarteak antolatu du bigarren eskuko azoka, eta bertako kidea den Eli Eizagirrek azaldu duenez, "egia esan unearen arabera jende gehiago edo gutxiago dago. Gaur goizean jendea zain zegoen ateak irekitzeko. Martxa onean goaz, pozik gaude". Aurreko urteetan egin bezala, Amasan aterpetxea jarriko dute haur sahararrek uda bertan igarotzeko, eta egitasmo horretarako bideratuko da elkartasun azokan jasotzen den dirua.
Mota guztietako produktuak erosi daitezke bertan, eta aukera dago ere norberak erabiltzen ez dituenak bertara eramateko.
