Duela urtebete ireki zuten Birmaniako muga atzerritarrentzat, eta esperientzia "oso interesgarria" dela azaldu du Egiak: "Egon naizen herrialde atseginenetakoa dela esango nuke. 50 urte baino gehiagoko diktadura izan dute eta lehen gobernu demokratikoa dute. Ikusten da atzerritarrei laguntzeko beldurra dutela, baina oso atseginak dira".
Lo egiteko legea puskatu behar izan du Egiak behin baino gehiagotan. Izan ere, hostal merkeetan atzerritarrek debekatuta dute lo egitea, eta halabeharrez hoteletan lo egin behar izaten dute. "Ni bezala bidaiatzen dabilen batentzat gau bakoitza 30 euro ordaintzea oso garestia da". Ondorioz, gauera monastegieta joaten zen lo egitera, nahiz eta hori ere debekatuta egon: "Mojeek asko lagundu naute herrialdea gurutzatzen nuen bitartean, baina beti tentsio puntu batekin". Hiru egunez polizia ere jarraika izan zuen.
[Elkarrizketa osoa audioan]