Ahal Duguk eta Garbiñe Biurrunek elkarrekin kaleratutako agirian jakinarazi dute Biurrunek ezetz erantzun diola Ahal Duguren lehendakarigai izateko primarioetara aurkezteko eskaitzari. Erabakia "zaila" izan dela dio epaileak, baina lehendakaritzara aurkezteak "konpromiso pertsonal, profesional eta sozialei" uko egitea lekarkeela kontuan hartuta, ez aurkeztea erabaki duela diote.
Garbiñe Biurrunek dio Ahal Duguk duen "aldaketarako" nahiarekin bat egiten duela, eta "aldaketa hori, ezinbesteko aurrera pauso horiek" jende askoren parte hartzearekin lortuko direla. Herritarren eta gizarte aldaketarako lanean ari diren taldeen parte hartzea beharrezko dela azpimarratu du