Bost egun falta dira larunbateko neurketarako. Lau dira hirugarren sailkatuari ateratzen dizkion puntuak, eta hiru bigarrenarekiko dituenak. Bi dira orain arteko jokatutako 28 partidetatik galdu dituenak. Eta oharkabean martxan da atzera kontaketa.
Bat. Puntu bakarra behar du Tolosa Eskubaloiak txapeldun izateko. Historikoa litzatekeen zerbait.
Aurkarien emaitzen zain ziren tolosarrak, asteburu honetan bertan txapeldun izango ote ziren ala ez jakiteko. Ez zuten hutsik egin. Datorren astean, ordea, inorri begiratu gabe, bere eskuetan du liga. Bi jardunaldiren faltan, berdinketa bat nahikoa du txapeldun izateko.
Larunbatean erraz irabazi zion maila eusteko borrokan dabilen Erromori. Hasieran bizkaitarrak izan ziren nagusi, baina 8-8ko berdinketatik, erabat menperatu zuen norgehiagoka Alex Noguesen taldeak. Atsedenaldian 19-12koa zen markagailua. Bigarrenean nagusitasun hori mantendu besterik ez zen egin, 33-19koarekin amaitzeko.
Iñigo Arratibel izan zen golegilerik onena, zazpi sartuta. Atean ere bikain ibili ziren Aitor Ibarguren eta Jon Baena. Garaipenak, ordea, utzi zuen alde txarra: Aitor Aranbururen lesioa. Froga gehiagoren faltan, badirudi belauneko lotailuak bihurritu dituela.
Atzera kontaketa hori amaitzeko lehen aukera larunbatean izango du. Atarrabian jokatuko du Beti-Onak taldearen aurka, 16:30ean.
| TALDEA | J | I | B | G | PG | GA | GK | PUN. | DIF. | |
| 1 | TOLOSA C.F. ESKUBALOIA | 28 | 23 | 3 | 2 | 0 | 856 | 679 | 49 |
177
|
| 2 | TRAPAGARÁN | 28 | 22 | 2 | 4 | 0 | 843 | 657 | 46 |
186
|
| 3 | ANAITASUNA | 28 | 21 | 3 | 4 | 0 | 802 | 671 | 45 |
131
|
| 4 | UHARTE | 28 | 20 | 2 | 6 | 0 | 787 | 662 | 42 |
125
|
| 5 | SOMOS EIBAR ESKUBALOIA | 28 | 19 | 3 | 6 | 0 | 869 | 716 | 41 |
153
|
| 6 | C.D. BIDASOA IRUN | 28 | 17 | 1 | 10 | 0 | 752 | 686 | 35 |
66
|
| 7 | ALCORTA FORGING GROUP ELGOIBAR | 28 | 16 | 2 | 10 | 0 | 804 | 754 | 34 |
50
|
| 8 | BETI-ONAK | 28 | 13 | 4 | 11 | 0 | 737 | 720 | 30 |
17
|
| 9 | C.D. EGIA UR-ZE | 28 | 11 | 2 | 15 | 0 | 816 | 849 | 24 |
-33
|
| 10 | EREINTZA AGUAPLAST | 28 | 9 | 6 | 13 | 0 | 720 | 739 | 24 |
-19
|
| 11 | GURE AUZUNE | 28 | 10 | 2 | 16 | 0 | 774 | 826 | 22 |
-52
|
| 12 | UCIN ALUMINIO USURBIL | 28 | 8 | 3 | 17 | 0 | 748 | 830 | 19 |
-82
|
| 13 | BM. BARAKALDO | 28 | 7 | 0 | 21 | 0 | 733 | 836 | 14 |
-103
|
| 14 | QUIRON ASKARTZA | 28 | 5 | 2 | 21 | 0 | 723 | 859 | 12 |
-136
|
| 15 | BM. ROMO INDUPIME | 28 | 5 | 1 | 22 | 0 | 609 | 791 | 11 |
-182
|
| 16 | PULPO K.E | 28 | 0 | 0 | 28 | 0 | 514 | 812 | 0 |
-298
|
Garaipenarekin amaitu du denboraldia
Denboraldiko azken jardunaldia jokatu zuen bigarren taldeak. 29-25 irabazi zuten Eskolapioen aurka. Hasiera hasieratik izan ziren aurretik. Atsedenaldian 14-11koa zen markagailua, eta ez zen askorik mugitu bigarrenean. 29-25 amaitu zen partida.
Jon Iraolaren taldeak, honenbestez, hamaikagarren amaitu du, bigarren nazional mailan jokatu duen lehen urtean. Harro egoteko moduko emaitza.
