2014ko udan Portugalgo Gondomar hirira bidaiatzeko aukera izan zuen Tolosako Udaberri dantza taldeak, oporraldi bati hasiera emanez. Danzas do Mundo folklore jaialdian parte hartu zuten, nazioarteko hainbat talderekin batera, eta bisita haren zikloa itxiko zuten atzo, Gondomarreko kultur taldearen bisitarekin. Portugaldarrez gain, Irurtzungo dantza taldea ere izan zen.
Dantzari guztiak Plaza Zaharrean elkartu ziren arratsaldean, eta Udaberri dantza taldeko fanfarreak girotuta kalejira egin zuten alde zaharreko kaleetan barrena. Ondoren, nafarren eta portugaldarren dantza emanaldia izan zen Berdura Plazan. Eguna afari erraldoi batekin biribilduko zuten.