Zalakainek hiru ordu, 18 minutu eta 53 segundo behar izan ditu ibilbidea osatzeko. Atzetik Pello Osoro eibartarra (+1:21) eta Julen Larruzea (+7:08) heldu dira helmugara. Parte-hartzaileen arabera, proba “oso gogorra” izan da.
Emakumeetan, Laura Alvarez asturiarra izan da azkarrena: hiru ordu 34 minutu eta 38 segundoan bukatu du duatloi luzea. Haren ostean helmugaratu dira Nerea Gambra, bost minutu eta 29 segundora, eta Itziar Barrenetxea, hamasei minutu eta 59 segundora.
Gipuzkoako eta Euskadiko txapela
Aizarnazabalgo proba Euskadiko eta Gipuzkoako duatloi luzeko lehia ere izan da. Gizonezkoetan, Zalakainek irabazi ditu bi txapelak; emakumezkoetan, berriz, Gambra gasteiztarrarentzat izan da Euskadiko titulua, eta Barrenetxea donostiarrarentzat Gipuzkoakoa.
14 kilometro egin dituzte lasterka, 72 bizikletan eta beste 7 kilometro korrika.
Sailkapen eta denbora guztiak, hemen.