Indarberrituta ekiten zaio lanari oporrak izan eta gero. Eta gauzak nahi bezain ongi ez doazenean, aski da une batez geldialditxo bat egin eta berriro ere ekitea. Zentzu horretan, azken bi aste hauetan partidarik ez jokatzea onuragarria izan da Tolosarentzat, azken txanpari begira indarrak hartzeko. Lillo berak ere onartzen du.
Izan ere, larunbatean Euskaldunari irabazita, "indarrez eta motibazioz" josita da orain Tolosa. Dinamika txarra puskatzeko beharrezko hiru puntuak ziren hauek, eta kostata izan arren, poltsikoratu ditu.
Gol bakarra sartu zion Tolosak talde andoaindarrari, nahiz dozena bat aukera garbi izan, horietako hiru argi-argiak. Horrenbeste aukera izan eta, ez amatzearen ondorioz urduritasun puntu bat nabaritzen hasi zenean iritsi zen Loidiren gola, zutoinean jo ondoren.
Ez ondoren, ez eta aurretik ere, ez zuen aparteko estuasunik izan Lilloren taldeak. "Jokoa ongi kontrolatu genuen, eta geldikako jokaldietan soilik izan zuten gure atera gerturatzeko aukera".
Jardunaldia are gehiago biribildu zitzaion Tolosari aurkarien emaitzak ezagututa. Anaitasunak Real Unionen aurka galdu zuen, eta hiru puntura dira orain azkoitiarrak. Atzetik, Mutrikuk ere ez zuen punturik eskuratu.
Hain zuzen, mutrikuarrak izango dira Tolosaren hurrengo aurkariak, eta irabaziz gero, atzean utziko lukete, hiru partidako aldea zabalduta, amaierarako bost neurketen faltan. Aupa urdinak!
Pos | Taldea | Pun | JP | IP | BP | GP | EA | AT | KT |
---|---|---|---|---|---|---|---|---|---|
1 | ANAITASUNA C.D. | 58 | 28 | 17 | 7 | 4 | 0 | 56 | 24 |
2 | TOLOSA C.F. | 55 | 28 | 17 | 4 | 7 | 0 | 56 | 29 |
3 | REAL UNION CLUB SAD | 53 | 28 | 16 | 5 | 7 | 0 | 52 | 28 |
4 | MUTRIKU F.T. | 50 | 28 | 15 | 5 | 8 | 0 | 44 | 32 |
5 | ALOÑA MENDI KE | 46 | 28 | 13 | 7 | 8 | 0 | 41 | 31 |
6 | HERNANI C.D. | 44 | 28 | 12 | 8 | 8 | 0 | 39 | 32 |
7 | OSTADAR S.K.T. | 44 | 28 | 13 | 5 | 10 | 0 | 44 | 50 |
8 | OIARTZUN K.E. | 43 | 28 | 13 | 4 | 11 | 0 | 34 | 27 |
9 | TOURING C.D. | 39 | 28 | 11 | 6 | 11 | 0 | 31 | 30 |
10 | ZARAUTZ K.E. | 39 | 28 | 11 | 6 | 11 | 0 | 36 | 33 |
11 | HONDARRIBIA F.E | 35 | 28 | 9 | 8 | 11 | 0 | 35 | 35 |
12 | ELGOIBAR C.D. | 33 | 28 | 10 | 3 | 15 | 0 | 29 | 39 |
13 | MARTUTENE K.E. | 32 | 28 | 9 | 5 | 14 | 0 | 30 | 41 |
14 | GETARIAKO KETA F.T. | 29 | 28 | 9 | 2 | 17 | 0 | 32 | 52 |
15 | EUSKALDUNA S.D. | 29 | 28 | 8 | 5 | 15 | 0 | 26 | 55 |
16 | BETI GAZTE K.J.K.E. | 28 | 28 | 7 | 7 | 14 | 0 | 31 | 43 |
17 | ORDIZIA K.E. | 26 | 28 | 6 | 8 | 14 | 0 | 34 | 43 |
18 | ORIOKO F.T. | 23 | 28 | 6 | 5 | 17 | 0 | 26 | 52 |