Joan den asteko porrotaren ondoren, eta aurkariak gerturatzen ari zirela ikusita, "bost final" gelditzen zirela nabarmendu zuen Alex Nogues Tolosa Eskubaloi taldeko entrenatzaileak. Baina final horietan tolosarrei presioak gain hartuko ziela pentsatzen zuena oker dabil: aise gailendu zitzaion Tolosa Ereintzari, presio zantzurik nabaritu gabe. Garaipen bat gehiago, sailkapenean tarte berdina, baina final bat gutxiago finalerako.
Logika gailendu zen larunbatean. Hasieratik izan ziren aurretik urdinak, 5:1 defentsa oinarri hartuta. Errenteriarrek ez zuten aukerarik izan erasoan. Horren erakusle atsedenaldiko markagailua: 13-5. Aipagarria izan zen, halaber, Aitor Ibarguren atezaina.
Tarte hori aldaketa ugari egiteko baliatu zuen Noguesek. Jokalari guztiak izan ziren kantxan. Ereintza, berriz, defentsa sistemak aldatuz aukeraren bat topatzen ahalegindu zen; saririk ez, ordea. Markagailua ezer gutxi mugitu zen: 27-20.
Sailkapen nagusiko borroka, gainera, hiru taldera murriztu da Uhartek Elgoibarren berdindu eta gero. Trapagaran, Anaitasuna eta Tolosa bera dira igoera faserako bi txartel horiengatik lehian ari diren bi taldeak. Lau final horien hurrengoa, larunbatean izango da, Donostian. 18:15etik aurrera Egiaren aurka jokatuko du Tolosak.
| TALDEA | J | I | B | G | PG | GA | GK | PUN. | DIF. | |
| 1 | TOLOSA C.F. ESKUBALOIA | 26 | 21 | 3 | 2 | 0 | 793 | 638 | 45 |
155
|
| 2 | TRAPAGARÁN | 26 | 21 | 2 | 3 | 0 | 791 | 608 | 44 |
183
|
| 3 | ANAITASUNA | 26 | 19 | 3 | 4 | 0 | 741 | 617 | 41 |
124
|
| 4 | UHARTE | 26 | 18 | 2 | 6 | 0 | 733 | 619 | 38 |
114
|
| 5 | SOMOS EIBAR ESKUBALOIA | 26 | 17 | 3 | 6 | 0 | 795 | 660 | 37 |
135
|
| 6 | C.D. BIDASOA IRUN | 26 | 17 | 1 | 8 | 0 | 707 | 633 | 35 |
74
|
| 7 | ALCORTA FORGING GROUP ELGOIBAR | 26 | 15 | 2 | 9 | 0 | 751 | 697 | 32 |
54
|
| 8 | BETI-ONAK | 25 | 11 | 4 | 10 | 0 | 657 | 652 | 26 |
5
|
| 9 | C.D. EGIA UR-ZE | 26 | 11 | 2 | 13 | 0 | 764 | 783 | 24 |
-19
|
| 10 | EREINTZA AGUAPLAST | 26 | 8 | 6 | 12 | 0 | 666 | 689 | 22 |
-23
|
| 11 | GURE AUZUNE | 26 | 10 | 1 | 15 | 0 | 720 | 768 | 21 |
-48
|
| 12 | UCIN ALUMINIO USURBIL | 26 | 6 | 3 | 17 | 0 | 694 | 781 | 15 |
-87
|
| 13 | BM. BARAKALDO | 26 | 6 | 0 | 20 | 0 | 672 | 775 | 12 |
-103
|
| 14 | QUIRON ASKARTZA | 25 | 5 | 1 | 19 | 0 | 641 | 761 | 11 |
-120
|
| 15 | BM. ROMO INDUPIME | 26 | 5 | 1 | 20 | 0 | 569 | 733 | 11 |
-164
|
| 16 | PULPO K.E | 26 | 0 | 0 | 26 | 0 | 483 | 763 | 0 |
-280
|
Maila eusteko garaipena
Maila ez galtzeko borrokan murgilduta da bigarren taldea, eta garaipen garrantzitsua lortu du asteburuan: Hondarribiari 27-24 irabazi dio. Berdindua izan zen partida, azken bost minutuetan erabaki zuten arte. Eneko Ziganda izan zen partidako izan nagusia, 11 gol eskuratuta. Hurrengo norgehiagoka Urdanetaren aurka jokatuko du.