Egun polita ospatu da Berazubiko futbol zelaian egun guztian zehar. Goizean hasi dira jokatzen eta arratsaldeko seiak arte aritu dira futbolean. Tolosako bi taldeez gain, Euskal Herriko beste hainbat talde etorri dira jokatzera, horien artean: Barakaldoko Pauldarrak, Lizarrako Izarra, Huarteko Itaroa, Gasteizko neskak, Hernani eta Donostiako Intxaurdi aritu dira.
Goizean ligaxkako partidak jokatu dira eta arratsaldean berriz, finalaurrekoak eta finalak jokatu dira. Finala etxeko bi taldeek jokatu dute baina ez gutxi sufrituta, finalera penaltietan pasa baitira bi taldeak. Beste alde batetik, antolakuntzako kideak oso gustura geratu dira txapelketaren lehenengo edizio honekin eta jendearen harrera ere ona izan dela aipatu dute.
Sariak banatzen, lehenengo mailan jokatzen duten bi jokalari ere izan dira, Errealeko Itziar Gastearena eta Oiartzun taldeko Nerea Murua.
Sailkapena:
- Tolosa C.F "A"
- Tolosa C.F "B"
- Pauldarrak (Barakaldo)
- Izarra (Lizarra)
- Intxaurdi (Donostia)
- Itaroa (Huarte)
- Hernani
- Gasteizko neskak