Tere Olanok albistea ezagututa, “inondik inora ez nuen espero” aitortu badu ere; aurrera begira oraindik orain sari gehiago jasoko dituztela ziur da, “espero dezagun hurrengo urtean ere etorriko direla”.
Lehiaketetan izena emateko orduan, sekretua badutela aitortu du Tere Olanok, “begietara jotzen didan gazta lehiaketan aurkezteko aukeratzen dut”. Behin gazta aukeratuta eta ondoren Monteskue auzoko baserrian eskaintzen dizkioten “ukituak” berriz, sekretupean mantendu nahi ditu Olanok.
Martin Txikik badu ohitura gazta lehiaketa ezberdinetan parte hartzeko, eta lan horretan Idiazabal Kontseilu Arautzailearen babespean aurkezten da; bai bertakoetan, Espainia mailakoetan edota baita atzerriko lehiaketetan ere, Erromakoa kasu, mundu mailako txapelketa kasu.
Oraingoan jasotako saria, Urrezko Lactium-a, Vic-en, Gironan, egindako lehiaketaren emaitza da. Aurkeztu beharreko gazta bi kilo eta bi kilo eta erdi arteko pisukoa behar zuen izan. Idiazabal gaztek honako lehiaketan Mantxako gaztekin batera lehiatzen ziren. Guztira, aurkeztutako 150 gazten artean dominarik preziatuena Martin Txikik jaso du.