Zine ziklo berriaren baitan, 13 film proiektatuko dira Leidorren, eta Aste Santuko oporrak tarteko, bi bonu mota eskainiko ditu Tolosako Kultura sailak horiek ikusteko:
- Motza: Martxoaren 3tik 21era. 7 euro.
- Luzea: Martxoaren 3tik apirilaren 7ra. 13 euro.
Ostegun honetan, 17:00etatik 19:00etara bitartean, jarriko dituzte salgai leihatilan bertan.
Hemen film guztien trailerrak:
Aparteko beste lau emanaldi
Horrez gain, aparteko emanaldiak ere izango dira. Datorren astean, astelehenetik asteazkenera, Mendi Tour mendi zine zikloa izango da.
Martxoaren 8an, Emakumeen Nazioarteko Egunean, Bertha Gaztelumendiren Negar franko egin zuen aitak dokumentala eskainiko dute TOPICen, 20:00etatik aurrera.
Martxoaren 15ean, berriz, Zinegoak, Gaylesbotrans Nazioarteko Zinema eta Arte Eszenikoen Jaialdiaren baitan, emanaldi berezia izango da TOPICen, 20:00etan.
Horrez gain, martxoaren 15etik 17ra, Ekozinemaldia izango da, eta hiru film eskainiko dituzte ziklo labur honen barruan, eta sarrerak doakoak izango dira:
- Martxoak 15: Piztu aldaketa! Energia trantsizioak eta Crudo Paraíso
- Martxoak 16: Honek dena aldatzen du