Zer sentitzen da txapel hori janztean?
Poza. Zoragarria da irabazi izana. Guzti hau niretzat ohore bat da. Azken bi hilabeteak Vicente familiaren etxean pasa ditut, eta beraiekin aritu naiz entrenatzen. Asko irakatsi didate, eta eskerrak ematea gutxi litzateke. Guzti hau nire bizitzako unerik zoriontsuenetakoa izaten ari da.
Erraz irabazi duzula ikusi da kanpotik.
Agian kanpotik horrela ikusi da, baina lana enbor bat gehiago izango balitz gauzak beste era batera izango ziren.
Atutxa II.a ere faboritoa zen, baina Vicente aurreratu zaio.
Banekien Ikerrek lan handia egingo zuela. Elkarrekin entrenatu dugu, eta azken astean erraz irabazi zidan. Txapelketa hau irabazteko aukerak ditu; baina ez gaur (barreak).