Eskualdeko hiru pilotari iritsi dira txapelketaren maila horretara: Egiguren eta Beloki tolosarrak, eta Urbieta asteasuarra.
Aurreko larunbatean ligaxkako azken jardunaldia jokatu zen. Elite mailan gertatua handia izan zen. Urretabizkaia ikaztegietarra eta Erasun zizurkildarrak garaipena eskuetan izan zuten, 20-10 jarrita. Baina hortik aurrera tanto bakarra egitea lortu zuten eskualdekoek. Ugalde-Kastillok 12-1eko partziala sartu zien gorriei, partida handia irabaziz.
Eskualdeko beste ordezkariak promesen partida jokatu zuen, eta protagonista izan zen gainera. Ioritz Egigurenek modu guztietako tantoak burutu zituen, zortzi sake tartean. Tolosarra bikain iritsi da finalerdietara.
IV. MIGEL SOROA
Ligaxkako azken jardunaldia
Jubenilak
Salaberria-Zezeaga 22 Garcia-Ruiz 16
Promesak
Egiguren-Otaduy 22 Apaolaza-Medina 7
Elite maila
Urretabizkaia-Erasun 21 Ugalde-Kastillo 22
Finalerdiak, otsailak 20
Jubenilak
Alberdi-Salaberri Exposito-Aranguren
Promesak
Mikel Goñi-Salegi Prado-Iruretagoiena
Elite maila
Bakaikoa-Murgiondo Ugalde-Kastillo
Finalerdiak, otsailak 21
Jubenilak
Salaberria-Zezeaga Zubizarreta-Usandizaga
Promesak
Egiguren-Otaduy Elizalde-Beloki
Elite maila
Errandonea-Martinez Urbieta-Arratibel