Arrate Iturbe azokako dinamizatzaileak azaldu duenez, Tolosako eta Ordiziako azoken lankidetza hitzarmenaren barruan kokatzen da egitasmoa. Era berean, Tolosako eta Ordiziako azokez gain, Gipuzkoako hainbat herritan ere burutuko dute ikerketa, hala nola, Donostian, Azpeitian, Zarautzen, Arrasaten, Bergaran eta Eibarren.
Aipatu moduan, ikerketak Gipuzkoako tokiko nekazaritzako elikagaien azoken eragin ekonomiko eta soziala ebaluatzeko asmoa du. Zentzu horretan, azokak ekoizleengan eta baita komunitatean ere zuzenean duen eragina ebaluatuko dituzte.
