Ezpala Gaztetxea

"Errudun batzuk daude eta salatu egingo ditugu"

Tolosaldeko Ataria 2016ko urt. 14a, 14:29

Tolosako Gazte Asanbladako kide Ibai Julianek adierazi duenez, argi dute atzoko gaztetxearen hustutzean "gertakari, bilera eta azpijokoak" izan direla: "ilegaltasun baten barruan jokatu dute, eta pertsona jakin batzuk seinalatuko ditugu, hau ez da horrela geratuko".

Atzoko eguna "gogorra" izan zela azaldu du Julianek. Bera bertan zen, gaztetxea hustutzera Ertzaintza sartu zenean, eta une "gogorrak" bizitu zituztela azaldu du: "Ertzaintzaren jarrera oldarkorra izan zen, eta beldurra pasa genuen; mehatsuak eta ostikoren bat edo beste ere jasan behar izan genituen". Tolosako Gazte Asanbladak "inongo agindurik gabe" egin zutela hustutzea salatu du beste behin, "beraz guztiz ilegala izan da". Gaur agerraldia egingo dute Plaza Zaharrean 18:00etan, eta herritarrak deitu dituzte bertan parte hartzera. Horrekin batera, larunbaterako manifestazioa ere deitu dute, 17:00etan, Trianguloan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!