Usabal Kiroldegiko futbol zelaian harmaila estali bat eraikitzen hasiko da Tolosako Udala astelehenetik aurrera. Sarbidea kanpotik izango du, Araxes erreka ondotik, eta gainerako instalazioetatik independentea izango da. Komun publikoa ere jarriko dute obra bukatzean.
2014. urtea superabitarekin amaitu zuen Tolosako Udalak, eta emaitza positibo horrekin Usabalgo futbol zelaiari harmailak jartzea onartu zuen Udalak. Harmailak ibaiaren ondoan eraiki behar zirenez, Ur Agentziaren txostena beharrezkoa zen, eta honek atzeratu du prozesua.