"Gaurkoan hemen bukatzen da. Ez dut nahi inongo malkorik. Abesti txalo eta algara, oroitzapen ederrez beterik". 20 urteren ostean, amaitutzat jo du ibilbidea Tolosako pailazo konpainiak. Eta nola ez, ikusle fidelenen artean, algaraka, kantuan, dantzari, pozik.
Poxpolorekin barre egiteaz gain, bidelagun izan dituzte gaurkoan Udaberri Dantza Taldeko dantzariak, trapezistak edota malabaristak, baita musikari apartez osatutako taldea ere.
Iritsi da gero arte, laster arte esateko unea. Muxuak banatu dituzte bihotzez. Izango da berriz elkartzeko aukera. "Horixe baietz!" oihu egin du Poxpolok: "Bitartean, gero arte! Zoragarriak zarete" esanez amaitu du. Eta irteeran guraso batek esan duen bezala, "baina itzuli azkar, mesedez!".
[Erreportajea] Poxpolo eta Konpainiaren ibilbideari errepasoa
