Goizeko hamaiketarako deia egin zieten, herritarrei, beren zapatak Trianguloa plazara eramateko. Helburua, bakarra: "Independentziara, feminismora, burujabetzara,... pausoz pauso joango garela irudikatzea. Jendeak oso ondo erantzun du, eta oso pozik gaude", azaldu du Karmele Elizaran Tolosako EH Bilduko kideak.
Izan ere, egitasmo horrekin datorren abenduaren 6ko mobilizazioa iragarri nahi izan dute, batetik, "jai egun inposatuen aurka". Era berean, abenduaren 20ko hauteskundeei begirako kanpainan ere pausoen eta zapaten lotura erabiliko dute. Hasier Arraiz, Marian Beitialarrangoitia eta Xabier Olano bertaratu dira Tolosako hitzordura, besteak beste.