Etsipenean murgilduta joan ziren aldagelara Tolosako jokalariak larunbatean. "Baloiak ez zuen sartu nahi" zihoen batek haserre, hiru puntuak lortzeko aukera on bat galdu izanaren sentsazioarekin.
Baina galdutako aukeratik baino, aukera galduetatik gehiago izan zuen neurketak. Izan ere, hasieratik bukaerara Tolosa izan zen nagusi: bai joko aldetik, baita aukerei dagokienez ere. Baina ezin golik sartu. Ordizia defentsa lanetan sendo egon zen, eta 20. minutuan, gainera, Irastorzak aurretik ipini zuen markagailuan. 0-1ekoarekin iritsi ziren atsedenaldira.
Bigarren zatian planteamendu berarekin jarraitu zuen Lilloren taldeak: jokoa dominatuz eta aukera ugari sortuz. 50. minutuan Arrietak lortu zuen berdinketaren gola, baina aurrerantzean, ordura arteko gauza bera: gola sartzeko ezintasuna.
Eta alor horretan zerikusia izan zuen Ordizian ari den Julen Pagola atezain ibartarrak. Partida bikaina jokatu zuen.
Luzapenean Tolosak aukera hirukoitza izan zuen jokaldi berdinean. Lehenengo Mariok eta Zabaletak ondoren, baina Pagolak atera zituen atepetik. Aldaratzean Unai Etxeberriaren burukada kanpora joan zen, langa jo eta gero. Ez sinisteko modukoa!
Justo Lillok alderdi positiboa ere atera nahi izan zion partidari: "Neurketa nola joan den ikusita, eskerrak ere eman beharko ditugu; edozein kontraerasotan golen bat egingo baligute, akabo. Irabazten ez denean, ez galtzea ere garrantzitsua izaten da".
Oraingoan baloiak ez zuen sartu nahi izan, baina sartzen den momentuan...
| Pos. | Taldea | Puntuak | JP | IP | BP | GP | EA | AT | KT |
|---|---|---|---|---|---|---|---|---|---|
| 1 | TOLOSA C.F. | 22 | 10 | 7 | 1 | 2 | 0 | 21 | 10 |
| 2 | ANAITASUNA C.D. | 20 | 10 | 6 | 2 | 2 | 0 | 21 | 8 |
| 3 | MUTRIKU F.T. | 20 | 10 | 6 | 2 | 2 | 0 | 16 | 10 |
| 4 | ZARAUTZ K.E. | 18 | 10 | 5 | 3 | 2 | 0 | 17 | 10 |
| 5 | HONDARRIBIA F.E | 17 | 10 | 5 | 2 | 3 | 0 | 18 | 14 |
| 6 | HERNANI C.D. | 17 | 10 | 5 | 2 | 3 | 0 | 15 | 12 |
| 7 | ALOÑA MENDI KE | 16 | 10 | 4 | 4 | 2 | 0 | 13 | 12 |
| 8 | OSTADAR S.K.T. | 16 | 10 | 5 | 1 | 4 | 0 | 15 | 19 |
| 9 | REAL UNION CLUB SAD | 14 | 10 | 4 | 2 | 4 | 0 | 11 | 11 |
| 10 | EUSKALDUNA S.D. | 14 | 10 | 4 | 2 | 4 | 0 | 12 | 17 |
| 11 | TOURING C.D. | 13 | 10 | 4 | 1 | 5 | 0 | 10 | 11 |
| 12 | ELGOIBAR C.D. | 13 | 10 | 4 | 1 | 5 | 0 | 11 | 15 |
| 13 | BETI GAZTE K.J.K.E. | 11 | 10 | 3 | 2 | 5 | 0 | 16 | 18 |
| 14 | ORIOKO F.T. | 11 | 10 | 3 | 2 | 5 | 0 | 9 | 13 |
| 15 | ORDIZIA K.E. | 10 | 10 | 2 | 4 | 4 | 0 | 15 | 17 |
| 16 | OIARTZUN K.E. | 9 | 10 | 3 | 0 | 7 | 0 | 8 | 11 |
| 17 | MARTUTENE K.E. | 6 | 10 | 1 | 3 | 6 | 0 | 7 | 15 |
| 18 | GETARIAKO KETA F.T. | 6 | 10 | 2 | 0 | 8 | 0 | 10 | 22 |
Iturria: Kirolak.net
