Poliziak istiluen aurkako materiala erabili zuela frogatuta geratu dela adierazi du epaileak, baina hori erabiltzea justifikatuta zegoela. Hain justu, gomazko pllotak eta ke poteak erabili zituzten igerian Espainiara sartu nahi zuten pertsonen aurka. Ondorioz, 15 pertsona hil ziren gutxienez, eta iturri batzuen arabera, berriz, 80. Gainera, itotzear ziren pertsonei ez ziela poliziak laguntza eskaini ere salatu zuten, baina, azkenean, epaileak ez du deliturik ikusi inputatuta zeuden poliziengan. Beraz, hilketa horien ardura ez da azkenean inorengan geratu, eta Egigurenen arabera, "inpunitatea bultzatzen dute erabaki hauek".
Hassana Aalia sahararraren kasua ere aipatu du abokatu tolosarrak, eta errefuxiatuen kanpalekuetan izandako uholden eragin dutena ere gogoratu nahi izan du.