Herritar guztiei zuzendutako lehiaketa da, eta parte hartzaileek ez dute zertan Tolosakoak izan, edozeinek hartu dezake parte.
10:00etatik 11:00etara lehiakideek beraien ijito besoak entregatu beharko dituzte Trianguloa plazan horretarako prestatutako karpan. Errezeta ere aurkeztu behar da.
Ordu horretatik aurrera, postre eta gozogintzako adituez osatutako epaimahaia dastaketa edo kata itsua egiten hasiko da. Elena Arzak, Lourdes Rekondo eta Jose Mari Gorrotxategi ibiliko dira lan horretan.
Eguerdiko 12.15ean egingo da sari banaketa. Irabazleak Tolosako gozotegietan gastatzeko 200 euroko balioa duen saria jasoko du, eta bigarrenak 150 euroko balioa duena. Lehiaketan parte hartu duten guztien artean, berriz, azokako produktuez osatutako lote ezberdinak zozketatuko dira.
Lehiaketan parte hartzeko izena aurrez eman behar da urriaren 30a baino lehen, 943697521 telefonora deituta edo feriak@tolosa.eus-ra idatzita.