Egunero txoko berean izaten da Lasa eta Zabalaren omenez Olarrain auzoan dagoen monolitoak, baina urriko bigarren astean kolore berezia hartzen du. Gaur iluntzean omenaldia egin diete, beste behin, haien desagertzearen 32. urtemuga gogora ekartzeko, eta loreak eskaini dizkiete bi amek.
Bertsoa eta agurra izan dira hitzordua biribiltzeko, eta ezker abertzaleak bere irakurketa egin du, biktima guztiak errekonozitzeko dei eginez. Ekitaldian izan dira, herritarrekin batera, Olatz Peon Tolosako alkatea, Jonan Fernandez Eusko Jaurlaritzako Bake eta Bizikidetzarako lehendakaria eta Aintzane Ezenarro Memoriaren Institutuko zuzendaria ere bertaratu dira hitzordura.
