Horrela, urriaren 23rako sarrera eskuratuta dutenek, data berrian ere, emanaldira bertaratzeko asmoa baldin badute, sarrera berberarekin egin ahal izango dute. Egun aldaketagatik kontzertura joan ezin dutenek, berriz, bi modu izango dituzte sarrera itzultzeko.
Batetik, sarrera Leidor aretoko leihatilan erosi zutenek, itzuli ere bertan egin beharko dute. Benito Lertxundiren kontzerturako sarrera internet bidez edo Kutxabankeko makinetan erosi zutenek, berriz, mezu elektroniko bat bidali beharko dute emarti.kimmu@gmail.com helbidera, eserlekuen zenbakiak zehaztuz; azken horiei, dirua beren kontu korrontera itzuliko diete, zuzenean.