Urtebete da, jada, Tolosako Gazte Asanblada sortu zutela. Iazko urriko Gazte Egunari jarraiki, aurten jardueraz beteriko egitaraua prestatu dute datorren astebururako, Gazteburua izenpean, baina atzo jaien atarikoa egin zuten, akelarrearekin.
Zabalarreta parkean elkartu ziren, iluntzean, eta Kortxoenea nahiz Inpernu gaztetxeetako kideen esperientziak entzunez sartu ziren gauean. Ondoren, musika tresnak eramateko deia egin zutenez, jam session bat ere izan zuten akelarrean. Azkenik, afaria legea eginez biribildu zuten, datorren astekoari begirako hitzordua.
Kartelekin batera, Gaztebururako deia eginez bideoa ere prestatu dute, Tolosako Gazte Asanbladako kideek.