Lau eguneko festez gozatuko dute, aurten, berazubitarrek. Atzo txupinazo, buruhandi eta erromeriarekin hasitakoa, astelehenera bitarte luzatzeko aukera izango dute, eta lehen aje eguna zuten gaurkoa.
Horrela, auzoko neska-mutilek margoekin irudimenari dantza egiten uzteko aukera izan dute: auzoa beren begietatik marraztu behar izan dute. Paisaiak aukeratu dituzte askok, eta izan da festen inguruko marrazki tematikorik egin duenik ere.
Egun indartsuenen atarikoak pasata, gaur gauena danborradak abiaraziko du benetako jaia, Oasis orkestrarekin jarraitzeko. Bihar, berria, egun osoko festa izango da, eta Oihan Vegak jarriko du gaueko giroa.
