Pintto potearen modalitate berri bat sortu dute Alliri auzoan. Hala azaldu du, behintzat Joxan Oiz auzokideak. Atzo iluntzean jarri zuten martxan eta, dirudienez, bikain atera zen.
Gaur, berriz, egun indartsuena datorkie, auzoko bosgarren jaiak biribiltzeko. Goizean goi auzoko musikariek diana eskaini diete bizilagunei eta, eguerdia gerturatu ahala, patata tortila lehiaketako epaimahaia bere postuan jarri da, jakiak dastatzeko. Bien bitartean, haur eta gaztetxoak buruhandien inguruan ibili dira; batzuk nahi baino gertuago eta beste asko, aldiz, ia buruen barruan.