Garaiko produktuak sustatu, eta horiek eskaintzen dituzten Zerkausiko ekoizleen lehengaiak erabiliz, mokadutxoak prestatzeko postua da Lurretik sukaldera. Joan den ikasturtean abiarazitako egitasmoak harrera bikaina du Zerkausian elkartzen diren herritarren artean eta, gaur, entsalada batez gozatzeko aukera izan dute bertaratuek.
Asteasuko Patxine jatetxeko arduradunak izan dira Zerkausiko sukaldean, eta tomate, patata egosi eta arrautza egosi entsaladaren lagintxo bat prestatu dute; Patxine entsalada da berau eta, Zerkausian zerbitzatzeaz gain, Zerkausi azpiko Somenetik ekimenean ere eskaini diete ikusleei.