2005eko irailaren lehenean ireki zituen ateak Usabal Kiroldegiak. Harrezkero arrakastaz betetako 10 urte pasa dira, egun ia 10.000 bazkide baititu, eta itxaron zerrendak baitaude bazkide egin ahal izateko. Tolosa populazioaren %35 da bazkide.
Orain arte egindako ibilbide hori bazkideekin ospatu nahi du orain Kiroldegiak, eta horretarako kirol eta aisialdi ekitaldiz betetako festa bat antolatu du irailaren 26rako. Hauxe da egitaraua:
10:00-13:00: Zunba Maratoia, Cycling Maratoia eta Familia arteko olinpiada (froga ezberdinez osatutako lehiaketa. Bertan familiako kide guztiek parte hartuko dute, igerian, lasterketak, jolasak...)
14:00-16:00: Bazkaria Bidegoxoren eskutik (15 euro helduek, 9 haurrek).
16:00: Mus Txapelketa Bidegoxon. Txapeldunentzat, bi afari
16:30-18:00: Haur jolasak, tailerrak...
18:00: Txokolatada
18:30: Herri bingoa: Opari nagusia bizikleta bat. Kartoi bakoitzaren salneurria, 10 zentimo.
19:30: Festa amaiera
Bazkideek doan parte hartu ahal izango dute jardueretan. Ez bazkideek, berriz, bost euro ordaindu beharko dituzte sartzeko eta jarduera guztietan parte hartzeko aukera izango dute. Izen ematea beharrezkoa izango da, eta irailaren 23ra arte izango da horretarako denbora. Kiroldegiko harreran bertan egin beharko da.
Bestalde zabalik da ikastaroetan izena emateko aukera. 20 ikastaro baino gehiago eskainiko ditu Usabalek.