Zorionak, hasteko.
Eskerrik asko
Kontxako Bandera lehorretik edo trainerutik irabaztea, ezberdina da ezta?
Noski. Dena den, lehorrean geratu direnei ere zoriondu behar zaie. Beraiek ere taldea osatzen dute, eta haiek gabe ere ez litzateke posible izango. Denok dugu meritua.
Ziabogan Zumaia aurretik zen. Une horretan nola ikusi duzu estropada?
Guk atzetik joan ahal genuen, beraiek ez. Abantaila guk genuen. Ziabogara arte nahiko paretsu joan ginen, eta ondoren olatu bat hartu eta joan egin ginen. Hori izan zen gakoa.
Zure taldekide batek esanak dira hauek. "Daukagu patroi bat 'la ostia' dena. Itzulerako luze horrengatik zorionik ez zaizu falta izan.
Esan dizudan moduan, hartu genuen olatu hori gakoa izan zen, bost segundoko tartea zabaldu baikenuen. Jendeak zoriondu nau, bai, baina ez dut uste 'la ostia' naizenik (barreak).
Zer sentitu zenuen bandera astintzean?
Poz asko, disfrutatzeko unea zen. Gero arranblara iritsi eta guztia arrosez ikustea ikaragarria izan da.
Zein unerekin geratuko zinateke?
Taldekideekin eta entrenatzaileekin besarkatzeko momentu horrekin. Herri guztia pozik ikustea ere sekulakoa da.