"Oso pozik nago. Aurretiko aukeraketan nengoela banekien, baina ez nuen uste hautatua izango nintzenik, lau txirrindulari bakarrik joango baitira" azaldu dio San Sebastianek TOLOSALDEKO ATARIA-ri.
Euskadi Fundazioko txirrindularia aukeratuetako afizionatu bakarra da, gainontzeko hirurak profesionalak baitira: Imanol Estevez arabarra (Murias Taldea), Miguel Angel Benito eta Hector Saez (Caja Rural).
Hilaren 18an abiatuko da tolosarra Estatu Batuetara. 21ean erlojuaren kontrako txapelketa izango da, eta 26an, berriz, errepideko lasterketa jokatuko dute.