Iñigo Royo eta Ura Iturralde argazkilariek aukeratutako argazkiekin bi erakusketa egingo dituzte: bata online, www.tolosa.eus/tolosanklisk webgunean, irailaren 5etik urriaren 3ra arte; eta bestea, Aranburu Jauregian, irailaren 25etik urriaren 3ra arte. Bietan eman ahal izango da bozka.
Behin bozketa epea amaituta, eta herritarren argazkia aukeratuta, hilabete bakoitzeko beste hamabi argazki aukeratuko dituzte epaimahaiko kideek.
Oraingoz, lehiaketara aurkeztutako argazki guztiak ikus daitezke Tolosako Udalaren webgunean. Larunbatetik aurrera, berriz, epaimahaiak hautatutako 40ak ikusi eta bozkatu ahal izango dira.
Bozkatzeko sistema
Lehiaketan botoa eman ahal izateko, www.tolosa.eus/tolosanklisk helbideko aplikazioan izena eman beharko da, honako datuok eskatuko dituen formularioa beteta: helbide elektronikoa, izen-abizenak, sexua, eta harremanetarako telefono zenbakia.
Erabiltzaile bakoitzak boto bakarra eman ahalko du.
Tolosako Udalak iruzurra egin duen susmoa eragiten dion edozein erabiltzaile kanporatu ahalko du; era berean, haren kontua itxi eta eman zituen botoak baliogabetuko ditu.
Boto emaile guztien artean (internet bidezkoak, nahiz erakusketakoak) I-PAD MINI bat zozketatuko da.