Zarautzen jokatu zen atzo azken estropada. Atzokoan hirugarren postuan amaitu zuten arren, larunbateko errenta ondo baliatuz liga eta bandera eskuratu dituzte. Nerea Perez tolosarrak adierazi duenez, "poz handia" hartu du taldeak, izan ere, "lan handia egin dugu horretarako eta helburuak lortu ditugu".
Aurtengoa, iazkoarekin alderatuta "bereziagoa" izan da tolosarrarentzat. "Patroi bakarra izan naiz ligan zehar eta estropada guztiak neronek jokatzeko aukera izan dut". Liga eta bandera eskuetan zituztela Pasaiara joan ziren taldekideak garaipena ospatzera. Txaranga eta guzti ospatzeko aukera izan zuten eta udaletxeko balkoira igotzean, bandera astindu zuten.
Aurrera begira, helburu bat azpimarratu nahi izan du Perezek: "Kontxari begira gaude orain, hau irabazi dugu eta hurrengo helburua bete nahi dugu".