Mondragon Unibertsitateko ikus-entzunezko Komunikazioa graduko laugarren mailako ikasleek euren Gradu Bukaerako Lanak (GBL) aurkeztu dituzte enpresa eta erakundeetako ordezkarien aurrean, Aretxabaletako campusean egin den ekitaldi akademiko irekian. Ekitaldia Kimu Berri sariak banatzeko baliatu da.
Hala, pitchingerako aurkezpen laburrak baliatuta, Kimu Berrik ikasturteko proiektu interesgarrienak saritu ditu. Kimu Berri lehiaketaren helburua gazte eta ikasleen artean ekintzailetasuna sustatzea da.
Bigarren saria eskuratu dute Jone Amonarriz eta Igor Agirre tolosarrek, euskarazko komunikabideen balio soziala neurtzeko tresna lantzeagatik. Tolosaldeko Ataria-ko kolaboratzaile dira biak.
